Ангелов: Во недела заеднички да гласаме за слободни општини, за живот во Гостивар!

На последниот ден од Предизборната кампања за Локални избори, носителот на листата за Гостивар од Коалицијата предводена од СДСМ, Зоран Ангелов ги повика граѓаните да им излезат на гласање и да им ја дадат довербата.

„Ве повикувам во недела,масовно,сите да излеземе и да го дадеме својот глас за живот во Гостивар. Да изградиме слободна, услужна и развиена општина каде што граѓаните ќе живеат и работат квалитетно, еден покрај друг. Сега промената мора да стане целосна. Сега е момент, освен централната власт, граѓаните да си ги освојат и своите општини. Животот во Македонија, мора да стане и живот во Гостивар! Одлучете се за живот во Гостивар за сите, така како што се одлучивте за живот во Македонија. Со пенкало во рака, без поделби, со кренати глави, сплотени,мирно и достоинствено-одиме на уште една демократска победа. Ајде, заеднички на 15 октомври да гласаме за слободни општини,за среќна Македонија! За живот восекоја општина и за живот во Македонија за сите!“, рече Ангелов.