Дождот и снегот носат ризик на патиштата-полицијата со апел за внимателност

Влажните коловози го отежнуваат движење на возилата, особено на високoпланинските патишта  во Полог и по долината на Радика, затоа е неопходна крајна внимателност, предупредува СВР Тетово.

„Доколку во наредните денови позначително се спуштат температурите, како што најавуваат синоптичарите, на овие патишта можна е и на голомразица, но и снежни лавини или одрони од камења, кои дополнително го зголемуваат ризикот за  случување сообраќајни несреќи. Поради ова, Секторот за внатрешни работи Тетово апелира до возачите да бидат крајно внимателни ако патуваат кон Стража, Маврово, Дебар или Попова Шапка, задолжително да поседуваат зимска опрема и да ја прилагодат брзината според условите на патот. На возачите им се советува, исто така, навреме да ја проверат техничката исправност на нивните возила и посебно оние кои вршат јавен превоз на патници со автобуси и комбиња, да не конзумираат алкохол кога седнуваат зад волан и да не управуваат  неподготвени и заморени“, се вели во нивното соопштение.

Секторот за внатрешни работи нагласува дека и во наредниот период ќе продолжа засилените контролни активности, во чие средиште е техничката исправност, на возилата, брзината со која се движат во и надвор од населените места, престигнувањето и паркирањето.