Гостивар: Повредиле полицаец при приведување

Полициски службеници на Секторот за внатрешни работи Тетово-Полициска станица Гостивар, вчеравечер ( 12 февруари ) околу 22 часот и 15 минути, на улица „Никола Тесла“ во Гостивар запреле патничко возило „БМВ“ со гостиварски регистерски таблици, управувано од 22-годишен гостиварец, а во кое се наоѓале уште двајца патници од Долна Бањица и Гостивар.

При преглед на возилото, зад совозачкото седиште пронајдена е непозната тревлива материја, додека  еден од патниците им се спротивставувал на полициските службеници, одбивал да влезе во службеното возило, се обидел да избега и му ја скинал кошулата на еден од полициските службеници, нанесувајќи му и повреда на средниот прст од левата дланка, соопштуваат од полицијата.

Тројцата се приведени и задржани во Полициската станица Гостивар, а по целосното расчистување на случајот ќе се соочат со содоветен поднесок.