Гостиварската полиција сомничи две лица за малверзација со регистрирање возило

Надворешната канцеларија за криминалистички работи Гостивар поднесе кривична пријава против Ф.А. (35) од село Љуботен, скопско, поради постоење основи на сомнение за сторено кривично дело „злоупотреба на службена положба и овластување“ и против Н.И. (33) од село Градец, гостиварско, поради постоење основи на сомнение за сторени кривични дела „соизвршителство“ и „поттикнување“, соопшти МВР.

Во билтенот на Министерството е наведно дека настанот датира од пред две години, кога 18.01.2016 година Ф.А., како референт за моторни возила во Одделението за управни работи-Скопје, во сообраќајната книшка од возило сопственост на Е.С. од село Градец  незаконски ставил печат, без да ја внесе регистрацијата во евиденциите за возила. Второпријавениот зел 46.125 денари од Е.С. за да изврши регистрација на неговото возило, но и покрај тоа не била извршена регистрација на возилото.