• Дата: 14/02/2018

Гостиварци алармираат на опасност од паднати бандери, дрва и искинати кабли

Интензивните снежни врнежи кои го зафатија гостиварскиот регион во текот на вчерашниот ден и вечерта создадоа низа проблеми и опасности. На повеќе места паднати се бандери и дрва и има искинати електрични кабли и кабли од телекомуникациски оператори.

Бандери паднале на ул„Илинденска“ спроти поштата и кај зградите во близина на општата болница. Гостиварци алармираат дека бандерите може да предизвикаат сериозни последици за минувачите или оштетувања на возила.

Од снегот паднале и помали дрва и гранки, кај зградите до автобуската станица и на паркинг зад ул„Илинденска“

За среќа, до сега не е пријавен случај на повредување и регистрирана е само материјална штета.

Оставете коментар

Вашата Емаил адреса нема да биде објавена.Задолжителните полиња се означени *

*