Измамници во Малеарди оштетиле гостиварец за 72 илјади денари

Вчера ( 30 јануари ) околу 13 часот , Т.Д. (69) од Гостивар пријавил дека истиот ден во населбата Малеарди бил измамен од две непознати лица. Непознатите го пресретнале и му се претставиле дека едниот е од Србија, а другиот од Израел.

Тие му кажале дека претходно им се случила сообраќајна несреќа и дека во авто-сервис не им ги примале чековите за да го поправат возилото, а морале да ја однесат сопругата на едниот од нив во болница. При тоа, лицето што се претставило како Израелец од кутија извадил „дијамант“ и  му го оставил на Т.Д. како гаранција дека ќе се вратат, доколку им даде 72.000 денари. Т.Д. им  ги дал парите во апоени од по 2000 денари, но тие не се вратиле. На Т.Д. набрзо му станало јасно дека дијамантот е лажен и дека е измамен од двете непознати лица, известуваат од полицијата.

МВР презема мерки за целосно расчистување на случајот.