Вести
КК Гостивар: Одиме за Кавадарци да одиграме најдобро што знаеме
Кошаркарскиот клуб Гостивар после подолго време ќе биде дел од завршницата на Купот на Македонија. Финалниот турнир ќе се одигра од 16 до 18 февруари во салата Јасмин во Кавадарци.
“Бело-сините” за противник во 1/4 ја имаат екипата на КК Куманово. Екипа со која се води борба и за четвртото место на табелата во првенството. Дуелот со кумановци е дерби на четвртфиналето, натпреварот се игра во петок во ударниот термин од 20:30 часот. Победникот од овој меч во полуфиналето ќе се сретне со подобриот од Работнички – Карпош Соколи.
Дел од играчите оптимистички расположени пред некогаш најмасовното кошаркарско натпреварување во државата го споделија нивното видување воочи стартот на финалниот Куп турнир.
За најискусниот меѓу нив и со најмногу одиграни куп натпревари Димче Тасоски првиот меч е клучен:
„За Кавадарци тргнуваме со спортски оптимизам, во четвртфиналето играме со Куманово, екипа од која изгубивме во првенството, но ако одиграме како знеме може да се надеваме на поволен резултат. Многу ни е важно првото коло да го поминеме, за понатака ќе размислуваме после тоа. Ќе дадеме максимум со сигурност“. вели Тасоски.
Андреј Магдевски очекува тежок натпревар, но и се надева на малку среќа:
„Нашиот прв натпревар ќе биде најинтересен бидејќи сме четврти и петти. Се разбира дека не очекува тежок натпревар, ќе дадеме максиумум, се надевам ќе не послужи и малку среќа да се најдеме во полуфиналето“.
Со сличнен коментар е и Јетмир Зеќири: „Имаме тежок меч, но однапред ништо не е готово. Ќе се трудиме да одиграме најдобро што знеме, се надеваме на победа“.
Се на се, никој од гостиварскиот клуб не се предава однапред, иако сите знаат дека нема да биде ни малку лесно. Желни да остават трага на овој турнир кошаркарите утре наутро ќе патуваат за Кавадарци. Останува да го чекаме почетокот на натпреварот.
Четвртфиналните мечеви на програмата се во петок, во сабота ќе се играат полуфиналните натпревари, а големото финале е закажано за во недела.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар