Корса се превртела на патот меѓу Бунец и Маврови Анови – сообраќајот се одвива наизменично

Денес околу 11 часот и 20 минути регистрирана е сообраќајка на патот меѓу Бунец и Маврови Анови. Според информациите од портпаролот на СВР Тетово, Марјан Јосифоски возило „опел корса“ со скопска регистрација, кое го управувало 27 годишниот Ѓ.Н. од Скопје, изгубило контрола и се превртело на покрив на самиот коловоз. При тоа, возачот и двајца сопатници се здобил со лесни телесни повреди и по лекарски преглед биле пуштени дома.

Од превртувањето возилото претрпело големи оштетувања и не е во возна состојба. Увидот допрва треба да почне, а се додека трае и возилото не се острани од патот, сообраќајот ќе се одвива наизменично, информира полицијата.