• Дата: 11/02/2018

Маски против брчки од вашата кујна

Многу жени се очајни штом ги забележат првите неправилности на своето лице. Додека мажите не се грижат премногу за брчките, жените трчаат до првата продавница и купуваат безброј креми кои ќе им помогнат за затегнување на нивната кожа. Секако одговорот не мора да го барате секогаш во најблиската апотека, бидејќи вашиот лек е поблиску отколку што мислите – во вашата кујна.

Маска од јајце и мед. За оваа маска ви се потребни едно јајце и 2 супени лажици мед. Мешајте се додека смесата не се соедини. Оваа маска чувајте ја 30 минути, па темелно измијте го лицето со топла вода.

Маска од пченкарно брашно. На водено лице ставете суво брашно. Почекајте да се исуши. Откако ќе се исуши, истријте го лицето со сув пешкир и измијте го со млака вода.

Маска од јаболко. Изрендајте половина јаболко, со рака истискајте го сокот. останатите резанци ставете ги на лицето. Оваа маска чувајте ја околу 20 минути, потоа измијте го лицето. Вашата кожа ќе биде свежа и затегната.

Маска од компир. Откако претходно ќе го измиете и излупите компирот, изрендајте го на ситната страна од рендето. Ставете го на вашето лице и исто како јаболкото, оставете го да делува 20 мин. Оваа маска ги содржи витамините Е и Ц, кои спречуваат стареење на вашето лице и создавање нови брчки.

Оставете коментар

Вашата Емаил адреса нема да биде објавена.Задолжителните полиња се означени *

*