Од спална соба на гостиварец крадци украле накит вреден 3.000 евра

Засега непознати сторители извршиле тешка кражба во куќата на 45-годишен гостиварец, лоцирана на улица „Никола Парапунов“ во Гостивар.

Како што соопшти полицијата, крадците влегле внатре откако насилно го отвориле прозорецот во приземјето. Целосно ги пребарале сите простории и од спалната соба одзеле повеќе парчиња разновиден златен накит ( ѓердани, прстени, обетки) и бижутерија, а потоа незабележани од никого ја напуштиле куќата.

Вкупната имотна корист со која противправно се стекнале во оваа кражба се проценува на 180 илјади денари, додека причинетата материјална штета изнесува 20 илајди денари.

Надлежните соопштуваат дека преземаат мерки и активности за целосно расветлување на пријавеното и за откривање на сторителите .