Огласи за вработување во Гостивар: Фирми бараат возач, медицински сестри, па и директор

Во гостиварскиот регион моментално се објавени десетина јавни огласи за слободни работни места. Фирми од различни дејности бараат да вработат возач на камион, општи работници, медицински персонал, столар и други профили. Моментално најинтересната понуда е за работна позиција директор во фирма со седиште во Гостивар, за која денес е последен рок за пријавување на заинтересирани. Од вчера тече и оглас за вработување на машински инженер во средното техничко училиште.

Во описите на огласите може да се види дека за сите работни места станува збор за вработувања со полно работно време, а платите кои се наведени се движат од 11 до 21 илјада денари.

Инаку на листата на граѓани кои се евидентирани како активни баратели на работа во Гостивар има 4.816 лица.

Преглед на огласите целосно на веб страната на Агенцијата за вработување  ЛИНК ДО ОГЛАСИ