Огромна поддршка – Гостивар деновиве живее во боите на ретките

Голем број граѓани, ученици, колективи, поединци се вклучија во кампањата за поддршка на лицата со ретки болести во Гостивар. Симболично ги обоија своите лица и објавија фотографии на социјалните мрежи во знак на подигнување на свеста за пациентите со ретки болести.

Кампањата се спроведува во пресрет на Денот на ретките болести, 28 февруари. Организатори во Гостивар се Јосиф Мишевски и Небојша Петрески, кој ги изработува фотографиите во своето студио.

„Ова е прв пат во Гостивар да се одбележи Денот на ретките болести. Многу сме задоволни од поддршката на гостиварци и се надеваме дека со ова ќе се придонесе да се слушне гласот на луѓето со ретка болест, за нивните потреби и предизвици“, велат организаторите.

Кампањата ја поддржа и градоначалникот Арбен Таравари.