Македонија
Полошкиот меѓу трите региони во Македонија со најмногу заболени од рак
Карциномите се втората најчеста причина за смрт во Македонија, веднаш после инфарктите и мозочните удари.
Податоците од Институтот за јавно здравје покажуваат дека бројот на смртни случаи од рак во земјава расте. Во 2010 година од рак починале 3.705, а во 2016 година 3.882 лица. Статистиките говорат дека мажите почесто умираат од карциноми. Кај мажите најчеста причина за смрт од малигни неоплазми е малигната неоплазма на бронх и бел дроб со стапка на морталитет која се движи околу 65 починати на 100.000 мажи годишно. Кај жените најчеста причина за смрт е малигната неоплазма на дојка. Стапката на морталитет се движи околу 30 на 100.000 жени.
Анализите на медицинарите покажуваат намалување на старосната граница на заболени. Се почесто се регистрираат случаи на заболени од рак на возраст од 25 до 34 години, а зголемен е и бројот на заболени од 15 до 24 години. Најмногу заболени од карцином има во Пелагонискиот регион, по кој следат Полошкиот и Скопскиот регион.
Лекарите посочуваат дека најчести причини за заболувањето од рак се пушењето и аерозагадувањето и нагласуваат дека колку порано се открие ракот толку поголеми се шансите за успешно лекување. Апелираат граѓаните да ги користат бесплатните превентивни прегледи кои ги нуди државата за скрининг на рак на дебелото црево и на грлот на матката.
Ракот во моментот е одговорен за речиси еден од шест смртни случаи на глобално ниво. Секоја година кај повеќе од 14 милиони луѓе се дијагностицира рак, и оваа бројка се очекува да се зголеми на повеќе од 21 милиони до 2030 година.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk