Познат распоредот на ракометарите за натпреварите во Вараждин

Македонската ракометна репрезентација се пресели во Вараждин, каде ќе ги одигра натпреварите во втората рунда. Познат е распоредот за вториот круг на Европското првенство во ракомет.

Македонската репрезентација е во група со Шпанија, Данска, Чешка, Германија и Словенија. Нашите ракометари се први во групата со пренесени 3 бодови од првиот круг. Ни претстојат натпреварите со Шпанија, Данска и Чешка. Вториот дел Македонија го отвора против Шпанија, мечот се игра во недела од 20:30 часот.

На 23 јануари играме против Чешка од 20:30, а ден потоа за помалку од 24 часа против Данска од 18:15 часот. Натпреварите во вториот круг започнуваат денес играат Германија – Чешка и Словенија – Данска.