Вести
Пристигнуваат донации – Зрак светлина во мрачното секојдневие на Јосифоски
По објавувањето во јавноста на повикот за помош на семејството Јосифоски од гостиварската населба Циглана, започнаа да пристигнуваат донации. Сторијата за тешкиот живот на Милотин, Гајта и Радица допре до срцата на граѓаните и ја разбуди хуманоста. Денес на градскиот плоштад во хуманитарна акција беа собрани 8.300 денари, пакети со храна и прехранбени производи и средства за хигиена кои веднаш им беа доставени на семејството.
Еден од иницијаторите на акцијата, гостиварката Билјана Беловинова вели дека ваквите акции се добредојдени, но не се трајно решение за проблемот со сиромаштијата и гладните граѓани во Гостивар.
„Би требало да се организира народна кујна кадешто загрозените семејства би можеле да добиваат топол оброк неколку пати во неделата. Тоа ќе им биде од голема помош. Исто така, добро би било да има посебен простор за организирано динирање на облеката, кадешто во определен ден граѓаните ќе ја донесат донацијата, а оние на кои им е потребна ќе ја подигнат. Навистина мора да се најдат начини да им се помогне на луѓето кои живеат на работ на егзистенција“, вели Билјана.
Јосифоски велат дека од објавувањето на апелот, секојдневно им се јавуваат или ги посетуваат луѓе кои донираат или им нудат некаков вид на помош. Од Месната заедница Циглана подмириле трошоци за лекарски прегледи и анализи за Радица во приватна клиника, обезбедиле други донации, а дале ветување дека ќе им го санираат домот и ќе им изградат купатило.
Со семејството се солидаризираа и зубовчани кои го посетија семејството и донираа 8.000 денари пари собрани од крстот за Водици и други прехрамбени производи.
Оние кои сакаат да им помогнат може да ги исконтактираат на тел. 078-743-519.
Трансакциска сметка: Тутунска банка – 210501717290377 – Милотин Јосифоски.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk