Бизнис

Шанса за младите фудбалски таленти – во Гостивар стартува Академија Пандев

Објавено

пред 7 години

на

24/08/2017

Од

Gostivarpress.mk

Од месец септември во Гостивар ќе започне со работа Фудбалската Академија „Пандев“. Во првата година од функционирањето во Гостивар, ќе се опфатат групи на возраст од 7 до 12 години. Тренинзите ќе се одржуваат во Спорт Центар – Спортска сала со вештачка трева (на излезот од градот). Сите активности ќе се одвиваат според програмата на Академија Пандев во која се вклучени: програмски тренинзи, натпреварувања, турнири во земјава и странство и многу забава.

„Наша цел е да им ги дадеме основите на фудбалската игра на младите фудбалери, да бидат дел од фудбалските натпревари, да играат, да присуствуваат на фудбалски кампови во земјава и странство и секако и ние да „произведеме“ играчи кои би играле во некои од големите Фудбалски екипи во Земјава и странство. Пред се, нашето мото е да има ЗАБАВА и СОЦИЈАЛИЗАЦИЈА за децата, и да водат здрав и спортски живот“, потенцираат од фудбалската академија.

Тренинзите ќе ги изведуваат:

Даниел Настевски (тренер) – носител на: „Ц“ Фудбалска Лиценца, „Б“ Фудбалска Лиценца, Интернационална Фудбалска Лиценца (Издадена во Будимпешта, Унгарија) и дипломиран професор по Физичка Култура

Александар Анастасоски (тренер) – носител на: „Ц“ Фудбалска Лиценца и дипломиран професор по Физичка Култура и

Дарко Јаковлески (тренер на голмани) – апсолвент на факултетот за Физичка Култура

Академија Пандев важи како една од најуспешните за „произведување“ млади играчи. Доказ за тоа е што неколку играчи од младинската школа на Акедемијата потпишаа договори со некои големи Европски фудбалски тимови: Славија – Прага, Каљари, Интер – Милан и други, а исто така голем број на младински фудбалери добија шанса да заиграат и во првата екипа на Академија „Пандев“, која е новиот прволигаш оваа година во Македонското Фудбалско Првенство, благодарение на младите фудбалери кои произлегуваат од оваа Академија.