Вести
Таткото од Фазанерија повторно пријавил исчезнување на ќерката – зошто малолетничките бегаат од дома?
Петнаесетгодишната девојка од гостиварската населба Фазанерија која пред два дена замина од дома кај дечкото, па се врати, повторно е пријавена за исчезната. Синоќа околу еден и пол часот по полноќ, нејзиниот 50-годишен татко пак пријавил во полиција дека малолетничката се оддалечила од дома во непозната насока.
„Малолетничката на 7-ми овој месец, исто така, беше пријавена како исчезната, а на 9-ти беше пронајдена, односно се самопријавила во Полициската станица Гостивар, по што му беше предадена на нејзиниот татко“, соопшти полицијата.
Искуството на полицијата кажува дека најчесто малолетничките кои родителите ги пријавуваат како исчезнати, бегаат од дома поради тајни љубовни врски со машки лица на иста возраст, но и повозрасни. Имало и примери кога без знаење на родителите, девојките извесно време вонбрачно живееле во таканаречени „диви“- нелегални бракови, што е спротивно на законот и за што следува поднесување соодветни пријави, зависно од случајот и околностите, наведуваат надлежните.
Минатата и оваа година нема регистрирана инволвираност на малолетни лица во трговија со луѓе или проституција. Според информациите од СВР постоеле сомневања за ангажирање на малолетнички за работа во угостителски и други објекти, на чие расветлување се работело и кои адекватно биле заокружени со законски предвидени пријави.
Лани на гостиварското подрачје биле поднесени две кривични пријави за одземање малолетник и пет прекршочни пријави за занемарена грижа за малолетник од родители.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар