Благо колпите – старински рецепт и традиција кои гостиварци не ги забораваат

Во поголемиот дел од Гостивар и низ околните села, традиционално низ годините многу често се правело и ден денес се прави благо колпите со јаболка. Тоа се јадело како десерт, но може и како појадок. Благото колпите, или тегната пита се прави со домашни сукани или готови кори, се полни со ореви, јаболка и шеќер.

Потребни состојки:

-500гр готови кори
-50мл масло
-300гр мелени ореви
-5 рендани јаболка
-200гр шеќер

Една кора се става на маса и се попрскува со масло. Над неа се става уште една кора, врз неа се става филот од ореви, јаболка и шеќер. Двете кори се виткаат како ролна. Постапката се повторува исто со сите кори. Се пече во загреарна рерна на 180 степени. Откако ќе се испече, се попрскува со вода и се покрива со крпа.