Жената што ја удри автомобил со сериозни повреди пренесена на скопските клиники

Повредената жена во сообраќајната несреќа која се случи доцна попладнево во Гостивар е пренесена на скопските клиники. По приемот и прегледот во гостиварската општа болница, кај жената биле констатирани тешки телесни повреди во пределот на грбот, поради што била препратена во Скопје.

Како што веќе информиравме, триесет и осумгодишната жена од селото Здуње ја удрил автомобил „опел астра“ денес околу 18 часот и 30 минути на раскрсницата меѓу ул„Илинденска“ и “Гоце Делчев“ во Гостивар.

Со автомобилот управувал 21 годишник од Чајле, а жената се движела како пешак.