Гостивар
10.000 лица во регион на Гостивар имаат дијабет-младите медицинари со совети за превентива
Во пресрет на Светскиот ден на дијабет, 14 ноември, средното медицинско училиште во Гостивар во соработка со Здружението на дијабетичари организираше настан на плоштадот. Младите медицинари на посебни штандови им мереа на граѓаните ниво на шеќер во крвта, делеа летоци со совети и им подаруваа овошје со препорака да конзумираат здрава храна.
„Со активностите што ги прават денес учениците од средното медицинско училиште, сакаме да испратиме порака дека граѓаните треба да внимаваат на своето здравје, да се хранат здраво и редовно да го контролираат нивото на шеќер во крвта“, рече директорот на училиштето Елбаш Абази.
Претседателот на Здружението на лица со дијабет во Гостивар, Велко Бобароски рече дека последните години расте бројот на лица кои имаат проблем со дијабетесот и дека дополнително влијание врз зголемувањето има и ковид пандемијата.
„Моменталната бројка на ниво на држава е 220 илјади, додека во Гостивар и гостиварско е 10.000, тоа се регистрирани лица со дијабет, од кои дел се на инсулинска терапија. Ваквите настани, како овој денес во Гостивар ни помагаат да откриеме и нови случаи, за да се помогне навремено. Порастот на дијабетот во последните години е голем, а сето тоа се должи на неправилната исхрана, немање физичка активност, секако влијае и ковид ситуацијата“, рече Бобароски.
Светскиот ден на дијабетесот е инициран во 1991 година од страна на Интернационалната федерација за дијабетес и Светската здравствена организација како одговор на зголемената загриженост од ескалацијата и заканата по здравјето што ја предизвикува дијабетесот. Стана официјален ден на Обединетите нации во 2006 година со усвојувањето на Резолуција и се одбележува секоја година на 14 ноември, роденденот на Сер Фредерик Бантинг, кој ко-открил инсулин со Чарлс Бест во 1922 година.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар