10 митови за диетите

1.  Прескокнување на оброци

Прескокнувањето на оброците само ќе направи да се чувствувате уморни и гладни, што значи дека ќе имате поголема веројатност  за високо-калорични грицки или ќе надоместите со поголеми оброци подоцна. Исто така, потешко е да се направи здрав избор кога сте многу гладни. Се препорачува редовна шема и планирање на оброците.

2.  Ограничување на одредени видови на храна

Ако не јадете ништо друго освен целер или портокали во текот на  целиот ден, за една недела, секако ќе ослабнете. Но овие диети брзо ќе станат досадни и не се долгорочно ефикасни. Ќе го намалите бројот на калории, но истовремено го лишувате организмот од витамини и минерали кои му се потребни за правилно функционирање.

3. Без „почестувања“

Лишувањето од храната која ја сакате, само ќе ја зголеми желбата. На крајот ќе попуштите пред искушението и ќе чувствувате вина. Дозволете си мали количини од омилената храна и уживајте во секој залак.

4. Вечера после 20:00

Не е важно кога ќе јадете ако ви се јаде премногу – калории се калории во секое време на денот! За вашиот дигестивен систем е подобро  да не се јаде тежок оброк пред да одите во кревет, но вечерниот оброк нема да ве направи подебели од утринскиот.

5. Ослободете се од „пивскиот стомак“ или бутовите

Колку и да звучи неправедно, не можеме да одбереме каде да додадеме или да изгубиме килограми. Кога телото губи масти, ги губи низ целото тело. Фокусирајќи се на една област при вежбање, го зацврстуваме мускулниот тонус, но нема да отстраниме повеќе масти.

6.Одредени видови храна  помагаат при согорување масти

Не постои храна која согорува масти. Важно е да внесувате помалку калории (енергија), отколку што користите, наместо да јадете одредени видови храна за кои се вели дека имаат посебни својства.

7.  Јагленихидрати дебелеат

Грам јагленихидрати имаат за половина помалку калории од грам масти. Тоа не значи дека можете да јадете макарони со сирење и да слабеете. Овесот, кафеавиот ориз и тестенините во разумни количини се вистинскиот избор за внес на јагленихидрати.

8. Без ужина

Планирањето здрава ужина помеѓу оброците може да ви помогне да го контролирате вашиот апетит. Овошје, зеленчук и јогурт со ниска масленост се одличен избор.

9. Само храна со ниско ниво на масти

Малку масти не секогаш значи и малку калории. Замена на масти со други состојки се’ уште може да резултира со многу калории. Ниско-масната храна, често е богата со шеќери и конзерванси, кои можат да бидат штетни за здравјето. Природните масти се наоѓаат во ореви, семки, риба и авокадо, кои меѓудругото и даваат сјај на кожата и го намалуваат ризикот од срцеви заболувања.

10.  Интензивни режими за вежбање

Не треба да победите на маратон за да ослабнете. И активностите со низок интензитет бараат енергија. Пешачењето, градинарството и слични активности, знаат да направат голема разлика.

Во соработка со Е наука