Министерството за здравство на Либан синоќа соопшти дека околу 4.000 луѓе се повредени во експлозии на пејџери што ги користеле членовите на Хезболах за комуникација. Се додава дека 200 повредени лица се во критична состојба.
Неименуван функционер на Хезболах рече дека детонирањето на пејџерот е најголемото безбедносно нарушување на групата во речиси една година конфликт со Израел. Експертите сметаат дека експлозивниот материјал бил ставен во пејџерите пред нивната испорака и употреба.
Локалните жители велат дека последната експлозија се случила 30 минути по првата, додека некои од нив се обидувале да откријат дали меѓу повредените има и членови на нивните семејства.
Израелската армија, која од октомври минатата година разменува оган со Хезболах, паралелно со војната во Газа, не го коментираше инцидентот.
