Гостивар
Заталкан куршум завршил во автомобил на гостиварец – за пукање по свадби до 500 евра казни
Опасната традиција на славење со пукање од огнено оружје во полошкиот регион ја има секое лето. Сезоната на свадби и други семејни веселби неизбежно ја обележуваат рафалите, а пушките и пиштолите се омилен реквизит во прославувањето. На последиицте, кои при вакви случаи можат да бидат и крајно сериозни, никој не мисли. Заскитани куршуми завршуваат во дворови, автомобили, на балкони, на улица и многу лесно, освен материјална штета може да има и повредени луѓе.
Пријава за оштетување од затаклан куршум во Гостивар е регистрирана вчера. Полицијата информира дека педесет и осумгодишниот гостиварец М.С, вчера (23 јули) пријавил дека во периодот од 20 до 23 јули годинава, заталкан куршум го оштетил неговото патничко возило „Фолксваген голф караван“ со гостиварски регистарски таблици. Гостиварецот оштетувањето го забележал вчера додека го паркирал возилото пред неговата работилница на улица „ЈНА“ во Гостивар.
Секторот за внатрешни работи Тетово претходно апелираше до граѓаните да не употребуваат огнено оружје на семејните веселби и да не организираат огномети на недозволен начин.
„Напоменуваме дека пукањето со огнено оружје е спротивно на Законот за прекршоците против јавниот ред и мир и дека глобата за ваков вид на прекршок се движи од 200 до 500 евра во денарска противвредност. Освен ова, во зависност од последиците, пукањето може да се смета и како кривично дело „предизвикување општа опасност“ за кое е предвидена затворска казна од една до пет години. На граѓаните им посочуваме дека и организирањето на огномети треба да се пријавува во полициска станица или полициските одделенија во реонот каде што ќе се организира. Во зависност од категоријата, организаторите треба да ги преземаат предвидените превентивни мерки за да се избегнат несакани последици.“, се вели во апелот од полицијата од каде најавија и поинтензивни контроли во тој правец.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk