146 години од раѓањето на револуционерот Гоце Делчев

На денешен ден 1872 година е роден еден од најголемите македонски дејци, Гоце Делчев.

Во Македонија денеска се одбележуваат 146 години од раѓањето на револуционерот Гоце Делчев, визионерот, кој пред повеќе од еден век го разбра светот како поле за културен натпревар на народите.

Георги Николов Делчев е роден на 23 јануари (4 февруари, нов стил), 1872 во Кукуш, Егејска Македонија  како прво машко дете, трето по ред на бројната фамилија Делчеви која имала вкупно девет деца. Се школувал во Солун и на воената академија во Софија. Како член на ТМОРО, беше наречен апостол на револуцијата. Како голем хуманист, учител и борец, организирајќи ја НО борба на македонскиот народ, тој ја обиколи цела Македонија.

Неговите мисли засекогаш ќе останат врежани во сеќавањата ма македонскиот народ:

“Јас го разбирам светот единствено како поле за културен натпревар меѓу народите”.

“Јас не познавам друг народ кој повеќе страдал од предавствата на своите синови, изроди, како македонскиот”.

“Дали може да има друго место за еден Македонец, освен Македонија? Дали има и народ понесреќен од македонскиот? И дали има некаде пошироко поле за работа, отколку во Македонија”.

“Ослободувањето на Македонија се крие во внатрешното востание. Кој мисли инаку да се ослободи Македонија, тој се лаже и себеси и другите.”

Предаден е и убиен 4 мај 1903 во селото Баница. Саркофагот со посмртните останки на Гоце Делчев од се наоѓа во дворот на црквата „Св. Спас“ во Скопје.