16 фирми од гостиварскиот регион на листата за одземање градежни лиценци

На листата од 479 правни лица, која ја објави Министерството за транспорт, за кои се води постапка за одземање на лиценците во делот на градежното работење и урбанистичкото планирање во гостиварскиот регион, кој ги опфаќа општините Гостивар и Врапчиште, ќе им бидат одземени лиценците на вкупно 16 правни лица:

• На 3 правни лица ќе им биде одземена лиценца А за изведувач на градби од прва категорија,
• На 4 правни лица ќе им биде одземена лиценца Б за изведувач на градби од втора категорија,
• На 3 правни лица ќе им биде одземена лиценца Б за надзор над изградбата на градби од втора категорија,
• На 5 правни лица ќе им биде одземена лиценца Б за проектирање на градби од втора категорија,
• На 1 правно лице ќе му биде одземена лиценца за изработка на урбанистички планови.

Како што информира вчера министерот Александар Николовски, постапката за одземање на лиценците следува по обемна контрола на издадените дозволи, при што е утврдено дека одредени правни лица престанале да ги исполнуваат законските услови врз основа на кои ги добиле лиценците.