16 коло: КК Гостивар од 17 часот ја пречекува екипата на ФМП Академија

По тринеделна пауза поради репрезентативни обврски и одигрување на КУП завршницата, продолжува македонското кошаркарско првенство. Во рамки на 16.коло кошаркарите на Гостивар денеска ќе је пречекаат екипата на Навико-Академија ФМП од Скопје.

Скопјани сезонава немаат резултати за паметење, во досегашниот дел од првенството имаат само 3 победи (Кожув, Струмица, Куманово) и 12 порази. Со 18 бодови се наоѓаат на предпоследната позиција на табелата, во денешниот дуел влегуваат по 6 порази во низа.

КК Гостивар со неколкуте порази го изгуби чекорот со екипите од врвот на табелата „бело-сините“ од 5 последни натпревари имаат 4 порази, со збир од 9 победи и 6 порази се најдоа на 7. позиција на табелата, но ништо не е загубено и гостиварци имаат реални шанси да се вратат во горниот дел на табелата пред почетокот на завршниот плеј-оф. КК Гостивар паузата ја искористи за мал ремонт на играчкиот кадар, по ненадејното заминување на Андреј Маслинко и ангажирањето на Виктор Исајлоски, клубот се ослободи и од најдобриот поединец во досегашниот дел од првенството Лувејн Пипкинс и од вториот американец Вајтли. Нив ќе ги замени српскиот интернационалец Немања Жигон кој ќе дебитира на денешниот натпревар.

Традицијата во меѓусебните дуели помеѓу овие две екипи е на страна на домаќинот, од 7 последни пресметки КК Гостивар има 4, ФМП Академија 3 победи.

Натпреварот во Спортската сала Младост се игра од 17 часот, во живо може да го следите ТУКА.