28 кривични дела поврзани со дрога во Гостивар за половина година

Во првите шест месеци од оваа година Секторот за внатрешни работи Тетово евидентира вкупно 55 кривични дела (Тетово-27 и Гостивар-28) од областа на недозволена трговија со наркотични дроги или 13 повеќе во споредба со истиот период лани, кои целосно се расчистени и заокружени  со 50 кривични пријави против 72 сторители. „Откривачката функција во овој период е зголемена за 24 проценти. Најголемиот број од кривичните дела (50) биле „неовластено производство и пуштање во промет на наркотични дроги, психотропни супстанци и прекурсори“, а 5 „овозможување на употреба на наркотични дроги, психотропни супстанци и прекурсори“. Во периодот за кој станува збор на подрачјето на СВР Тетово пронајдени и одземени се различни видови наркотични средства, најмногу марихуана и кокаин, но и екстази, хероин и друго.“, информира СВР.

Во изминатите шест месеци од годинава биле изготвени и 30 барања за поведување на прекршочна постапка (Тетово-27 и Гостивар-3) против 39 сторители (Тетово-34 и Гостивар-5) за сторени исто толку прекршоци, пред се поврзани со уживање на наркотични дроги, психотропни супстанци и прекурсори.