2МФЛ: ФК Беса 1976 славеше со 0-2 во локалното дерби со ФК Гостивар

Викендов се одигра 3.коло во Втората македонска фудбалска лига – Запад, во кое се сретнаа екипите на ФК Гостивар и ФК Беса 1976 од Добри Дол.

Гостите од Добри Дол славеа на Градскиот стадион во Гостивар со резултат 0-2. Головите за екипата на Беса 1976 ги постигнаа Владимир Жоглев во 71.минута и Иљаз Чилафи во 88 минута.

По три одиграни кола екипата на ФК Гостивар со само 1 освоен бод се наоѓа на дното на табелата, Беса 1976 која успеа да запише две победи во првите три кола во премиерната сезона во Втората лига, со 6 бодови се наоѓа на 3. позиција на табелата.

Во следното коло Беса 1976 ја пречекува екипата на Кораб од Дебар, а ФК Гостивар му гостува на Кадино во Скопје.