2МФЛ: ФК Гостивар загуби на гостувањето во Дебар

Викендов се одигра 22. коло од Втората македонска фудбалска лига – Запад, во кое екипата на ФК Гостивар, загуби на гостувањето во Дебар, од екипата на Кораб со резултат 2-0.

Важни бодови загуби екипата на ФК Гостивар во трката за второто место со поразот од Кораб. Головите за домаќините ги постигнаа Сиљановски во 15. и Зеќири во 68. минута.

По 22 одиграни кола екипата на Гостивар се наоѓа на 4 позиција со 37 бодови, односно 3 помалку од екипата на Велешта која е на 2. позиција, место кое води во баражот за пласман во Првата лига и 2 помалку од ГФК Охрид кој е на 3. место на табелата. До крајот на првенството гостиварци имаат уште три натпревари, меѓу кои и со директните конкуренти за второто место. Веќе во следното коло ќе ја пречека екипата на Охрид, во претпоследното коло исто на домашен терен ја пречекува екипата на Велазерими и во последното коло гостува кај екипата на Велешта.