2МФЛ: Вардар Форино пред откажување од натпреварувањето, Кораб-Гостивар 1:1

Екипата на ФК Вардар Форино, викендов, не ја пречека екипата на Велазерими 77 од Кичево. Натпреварот, кој беше закажан во рамките на 12-то коло од Втората македонска фудбалска лига, не се одигра. Форинци, како што најави во соопштението капитенот Ајет Абази, а потоа и клубот ја потврди одлуката дека нема да го одиграат овој натпревар поради финансиски проблеми, се оствари. ФК Вардар од Форино е пред финансиски колапс, а според правилата на ФФМ доколку и во наредниот натпревар, во среда, играчите не излезат на терен, клубот и административно ќе биде исфрлен од Втората лига.

Со тоа нашиот град останува со само еден претставник во 2МФЛ, ФК Гостивар, кој пак викендов ремизирше на гостувањето во Дебар кај екипата на Кораб. Домаќините поведоа во 22-та минута преку Филип Алексовски, додека гостиварци израмнија во 55-та минута со голот на Трајче Стојковски за конечни 1:1.

ФК Гостивар се наоѓа на втората позиција на “западот“ со 24 освоени бода, три помалку од лидерот ФК Скопје. Во следното коло Гостивар ѝ гостува на екипата на Велешта.