30-тина казнети во гостиварско – „Летале“ со автомобилите по патиштата

Пребрзото возење е една од најчестите причини за сообраќајни несреќи, но голем дел од возачите и понатаму ги прекршуваат правилата и прописите, кои го регулираат тој дел.

Ова се потврдува и со последната акциска контрола за откривање на возачи кои се движат со брзина поголема од дозволената надвор од населено место.

МВР соопшти дека акцијата била спроведена вчера (9 април) во периодот од 10 до 17 часот на подрачјето на СВР Тетово.

Утврдени биле вкупно 139 прекршувања, од кои 107 на тетовското и 32 на гостиварското подрачје. 12 биле пречекорување на максимално дозволената брзина на движење дури за 70km/h.

Сите прекршувања се санкционирани со соодветни поднесоци, информира полицијата.