300 до 400 евра казни за возачи кои „шибале“ по патот Тетово-Гостивар

Вчера (28 јануари) во периодот од 11 до 13 часот и 30 минути, полициски службеници на Полициската станица за безбедност на патниот сообраќај Тетово спровеле засилени сообраќајни контроли за брзина на автопатот Тетово-Гостивар и при тоа изречени се вкупно 20 мерки.

Толку возила, односно возачи ја пречекориле максимално дозволената брзина за повеќе од 50 километри на час и поради тоа изготвени им се поднесоци, а прекршителите ќе се соочат со парична глоба од 300 до 400 евра во денарска противвредност и мерка-времено одземање на возачките дозволи од три месеци до една година, извести СВР.