5 производи кои можете со мирна совест да ги јадете навечер

Познато е правилото дека вечерата не треба да се јаде многу доцна, и дека по 19 часот најдобро е да не се конзумира храна. Сепак, за многумина ова претставува тешкотија, па често знаат и во вечерните часови да „свратат“ до фрижидерот. Има ли нешто послатко од вечерен сендвич? Нема! Но, затоа пак таквата навика носи вишок на килограми.

За да не трпите глад, еве неколку намирници кои може да ги конзумирате во подоцнежните часови, а кои нема да придонесат за дебелеење.

Црна чоколада

Иако, неправедно честопати е забранувана, треба да се знае дека црната чоколада е добра за организмот. Има минимум шеќер, го забрзува метаболизмот, а исто така влијае и врз регулирање на холестеролот.

Супа

Било која топла течност во доцните часови, ќе го елиминира чувството на глад и ќе го смири телото. Доколку не ве задоволува една чаша чај, добро би било да изедете чинија топла супа од зеленчук или пилешка супа.

Бадеми

Бадемите ќе го смират чувството на глад, а благотворно делуваат и на слабеењето. Ако навечер сакате нешто да каснете, тоа нека биде една дланка бадеми.

Семенки од тиква

Наместо чипс, одберете да грицкате семки од тиква. Бидејќи содржат магнезиум, овие семенки добро ќе делуваат и на вашиот сон.

Ориз

Доколку пред спиење изедете помала порција ориз ќе спиете како бебе. Освен што го смирува целото тело, оризот е одлична опција доколку сте на диета.

Доколку навечер чувствувате глад, препорака е прво да испиете чаша вода, а потоа, ако и понатаму сте гладни, да изедете нешто од наведениве намирници. Секако, не претерувајте, бидејќи полн желудник значи немирен сон.