#СедиДома: Три предлог филмови за викенд – Три фикции, борба за правда и слобода

До каде е границата што човекот, на неговата индивидуа, која треба да ја премине за да дојде до она основното право? Право на битување, правда и слобода. Три предлог филмови за овој викенд, фикции кои можат да ве натераат на размислување.

V for Vendetta (2005)  (акција, драма, научна фантастика)

Во еден имагинарен свет, кога Британија е предводена од режим и диктатура, еден борец од сенка, без идентитет, познат само под иницијалот “V”, тргнува во борба за освета, правда и слобода заедно со помош на млада жена. Неговите дела ќе го кренат народот на нозе.

Режија: Џејмс МекТиг, Улоги: Хуго Вејвинг, Натали Портман, Руперт Грејвс

The Hunger Games (2012) (акција, авантура, научна фантастика)

Кетнис Евердин доброволно го зазема местото на нејзината помала сестра вo “Игрите на гладта“ – телевизиско натпреварување каде два тинејџери од секој од дванаесте Дистрикти од Панем, се одбрани да се борат до смрт. Додека “големите“ уживаат во игрите, борбата на Кетнис станува многу повеќе од нејзината борба да ја спаси својата сестра и својот живот.

Доколку имате време, ви предлагаме да го погледнете целиот серијал на филмови (The Hunger games, The Hunger Games: Catching Fire, The Hunger games: Mockingjay – 1 и 2)

Режија: Гери Рос Улоги: Џенифер Лоренс, Џош Хатчерсон, Лиам Хемсворт

Alita: Battle Angel (2019) (акција, авантура, научна фантастика)

Деактивиран киборг е повторно активиран, но не може да се сети на својот претходен живот и започнува авантура да открие која е. Како ѝ се враќаат сеќевањата, така навлегува во борба против контролата врз животите на “помалите“ од страна на оние “големите“.

Режија: Џејмс Камерун Улоги: Роса Салазар, Кристоф Валц, Џенифер Конели