Гостивар
62 хоспитализирани со ковид во Гостивар, намален е бројот на амбулантски прегледи
Во Гостивар на болничко лекување (во инфективно, нервно, интерно одделение и модуларна) се наоѓаат вкупно 62 ковид пациенти, од кои 39 добиваат кислородна поддршка. На инфективното одделение и во модуларната болница има 25 слободни легла. Намален е бројот на нови приеми и на амбулантски прегледи, но за да се даде оценка дали овој бран спласнува, треба да помине уште време, велат лекарите.
„Деновиве многу е намален бројот на амбулантски прегледи. Има изгледи дека ситуацијата се смирува, но рано е да се каже прецизно. Ќе видиме како ќе се одвиваат работите оваа и следната недела. Доколку продолжи со вакво темпо на намалување, ние како лекари, па и населението ќе бидеме задоволни.“, рече д-р Ратко Наумоски, раководител на инфективното одделение во Гостивар.
Во однос на високата смртност инфектологот повторно нагласи дека пациентите кај нив се обраќаат кога состојбата им е крајно влошена и мали се шансите да им помогнат и рече дека сите починати изминатите денови биле пациенти со други хронични болести и повозрасни.
„Смртноста е висока и ќе повторам тоа се должи на тоа што пациентите многу доцна доаѓаат кај нас. Матични лекари ги лекуваат или лекари пријатели и кај нас се обраќаат веќе кога им е многу влошена состојбата. Повторно апелирам, матичните лекари да оценат кога е потребно пациентите да ги испраќаат на инфективното одделение, затоа што после 7 или 10 дена лекување, а состојбата само се влошувала, ние не можеме ништо да направиме. Инаку, најголемиот дел од пациентите кои се хоспитализирани се невакцинирани. Вакцинираните поминуваат со полесна клиничка слика.“, рече д-р Наумоски.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk