65 години од силниот земјотрес со една жртва во регион на Гостивар

Сеизмолошката опсерваторија на Природноматематичкиот факултет во Скопје направи потсетување на силен земјотрес кој се случил пред точно 65 години во епицентралното подрачје Тетово – Гостивар, на гостиварско подрачје.

„На 12 март 1960 година, во епицентралното подрачје Тетово – Гостивар во 11 часот и 54 минути UTC (Coordinated Universal Time), се случил земјотрес со магнитуда од 5.6 степени. Истиот бил почувствуван со максимален интензитет од 8 степени според EMSC-98 во населените места близу до епицентарот, а со помал интензитет во останатите делови од државата и надвор од неа.“, наведуваат од опсерваторијата.

Земјотресот одзел еден живот, имало повеќе повредени и истиот предизвикал бројни материјални штети.