65 годишна гостиварка е жртвата во денешната несреќа во Малеарди

Полицијата даде официјални информации за несреќата која се случи денес во гостиварската населба Малеарди.

„Товарно возило „Мерцедес“ со приколка со гостиварски регистерски таблици, што го управувал 51-годишниот гостиварец А.Т, удрил во 65-годишната гостиварка П.Ц. како пешак. Од удирањето, жената починала на самото место, а лекарите од Брза помош, кои во меѓувреме биле повикани, ја констатирале нејзината смрт.“, извести СВР Тетово.

Според првичните сознанија од обвинителство, жената поминувала на пешачки премин. Јавниот обвинител нареди обезбедување и прибирање на траги од лице место, вршење на сообраќајно техничко вештачење и обдукција на починатото лице. Побарани и обезбедени се видео записи од околните камери, а возачот се наоѓа во полициска станица.