Апел од МВР: Домаќинствата навреме да се подготват за грејната сезона

Министерството за внатрешни работи во пресрет на грејната сезона апелира до сите домаќинства кои се греат на тврдо гориво, превентивно да ги подготват и проверaт инсталациите на грејните тела. Посебено внимание се обрнува на оџаците во куќите и зградите кои се потенцијални извори на пожар, навремено да се исчистат со што се намалува можноста за несакани последици.
Секторот за внатрешни работи укажува дека предизвикувањето пожар, намерно или од навнимателност, е кривично дело за кое е предвидена и затворска казна од една до три, односно пет години и затоа апелира однапред да се превенираат потенцијалните причини за избувнување пожар.