80 невработени во Гостивар отвориле бизниси со државни пари преку активните мерки

Мерката самовработување со грант, минатата година во Гостивар ја искористиле 80 невработени. Ова е една од  државните активни мерки опфатени во годишните оперативни планови и е најатрактивна за лицата од гостиварскиот регион кои бараат работа.

Преку неа лицата добиваат државна помош по 5.000 евра за отворање сопствен бизнис.

„За мерката самовработување со неповратен грант, минатата година имавме околу 280 апликанти, од кои 80 беа одобрени и почнаа со свој бизнис. Субвенцинирање на плати користеле 57 субјекти, мерката практиканство ја користеле 80 лица, преку специјален фонд на инвалидни лица се вработиле 16 граѓани, мерката насочена кон кроисици на социјална помош беше одобрена за 7 лица, потоа самовработување со кредитирање искористиле 7 правни субјекти ја користеле мерката и 12 физички лица. Вкупно преку активните мерки лани остварени се 250 вработувања“, изјави Хисен Амзаи, раководител на Центарот за вработување во Гостивар.

Бројот на невработени кои лани дошле до работно место, преку некоја од мерките е помал за стотина, споредено со 2020-та. Надолниот тренд главно се должи на ковид пандемијата и политичките бранувања, кои беа карактеристични за минатата година.