А што денес за ручек? Шницли во сос од сусам, вкус кој не се заборава

Ова е рецепт за јадење со оригинален вкус, а се подготвува лесно и брзо и не е потребно кој знае каква умешност за ручекот да ви се погоди.

Состојки:

8 шницли

2 лажици брашно

2 лажици сусам

коцка за супа

700 мл. вода

сол, бибер, магдонос

масло

Подготовка: Најпрво зачинете ги шницлите од двете страни (со сол и бибер), извалкајте ги во брашно и пропржете ги во тава на загреано масло. Кога ќе заруменат извадете ги од огнот. Во маслото во кое ги пржевте, ставете го сусамот и остатокот од брашното, пропржете 1-2 минути и прелијте со растворената супа од коцка. Оставете да врие 5 минути на тивок оган, па додадете го магдоносот. Така подготвениот сос прелијте го врз шницлите и послужете ги топли.