Африкански специјалитет „ШАКШУКА“ – шарен танц во устата

Ова јадење е традиционално во африканските земји. На тамошниот јазик значи „мешавина“ или „тресење“. Во слободен превод – ќе ве стресе од единствен шарен неодолив вкус.

состојки:

-половина главица кромид
-едно чешне лук
-по една зелена и црвена пиперка
-600-700 мл. сос од домати
-5-6 јајца
-една лажица црвен пипер
-сол, бибер, маслиново масло
-магдонос
-малку шеќер
-чили

подготовка:

Загрејте го маслото во подлабока тава. Додадете ги сецканиот кромид и  лук и пропржете додека не омекнат. Потоа ставете ги сецканите пиперки и пржете, исто така додека не омекнат. Во сето тоа, налејте го сосот од домати, ставете ги сите зачини и измешајте.

Оставете неколку минути да проврие. На крај одозгора кршете ги јајцата, внимателно едно по едно. Покријте ја тавата со капак и оставете да се готви десетина минути. Јајцата треба да бидат добро зготвени, а сосот под нив малку згуснат.

Шеќерот и чилито се додаваат според вкус, зависно дали повеќе сакате лута или неутрална храна.