Претседателски 2019
Ахмети во Гостивар: Концептот за консензуален претседател е подобар и за Албанците и за сите други граѓани
Во рамки на предизборната кампања за Претседателските избори 2019, вчеравечер во Гостивар ДУИ одржа централна средба со граѓани.
Претседателот на партијата, Али Ахмети порача дека концептот за консензуален претседател е најдобриот начин земјата да продолжи да се движи по вистинскиот пат, кон напредок и интеграции во ЕУ и НАТО.
„Знаеме дека нашите луѓе, Албанците ќе анализираат и размислуваат до 21 април, за кого ќе гласаат: за иднина или за враќање наназад. Шест години работиме на идејата за консензуален претседател, за овој концепција и овој почеток, кој е подобар и за Албанците, но и за сите други граѓани. Оваа земја напредува заради заедништвото. Браќа и сестри, ова е нашата земја и тука е нашата приказна. Процесите се движат напред, бидејќи патот што го започнавме е добар пат. Тоа е пат кој е неистражен, но неистражени и отворени патишта ги трасираат храбри луѓе. Најголемиот дел од Албанците го поддржуваат овој концепт. Ајде да излеземе на 21 април победоносно за новиот концепт и за Северна Македонија во НАТО и во ЕУ “, истакна Ахмети.
Шефот на изборниот штаб на ДУИ, Изет Меџити нагласи дека концептот за консензуален претседател го отвора вратите за во иднина Албанец да биде избран за претседател на државата. „Албанците на овие избори се пред голема дилема. Да гласаат за поединец или за концепт. Силно верувам дека Албанците треба да гласаат за концепт. Албанците од Северна Македонија од политичкиот плурализам, отсекогаш имале истакнати личности, нобеловци, фудбалери и многу други личности, достојни вредни за да остваруваат важни функции, како што е претседател на држава. Но, тоа не се остварило, а прилината лежи во концептот. Албанец не станал претседател, не затоа што не бил способен или стручен, туку едноставно погрешниот концепт не го дозволил тоа. Доколку концептот не се промени, албански кандидат никогаш нема да може да биде избран за претседател. Затоа, на 21 април, гласаме за концептот, кој по некое време ќе го отвори патот за Албанец да биде избран за претседател на државата”, рече Меџити.
На средбата во Гостивар свои обраќања имаа и шефот на изборниот штаб на гостиварскиот огранок на ДУИ, Башким Хасани и потпретседателот и екс градоначалник, Невзат Бејта.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар