„Ајде на точак“, активност на младите социјалдемократи во Гостивар

По повод Европската недела на спортот која се одбележува од 23-30 септември, ЛК СДММ Гостивар, заедно со дел од раководството на ОО СДСМ Гостивар организираше спортска активност “Ајде на точак”.

Младите социјалдемократи, преку оваа активност и заедничката дружба упатија порака дека на младите им требаат здрави навики, но и услови за безгрижни спортски и рекреативни активности во градот.
Оттука, ги повикаа надлежните во општината да се посветат на изградба на безбедни велосипедски патеки долж течението на реката Вардар, но и низ целото градско и приградско подрачје.

Младите социјалдемократи, сметаат дека на таков начин, општината ќе покаже грижа и ќе им се излезе во пресрет на барањата и потребите на сите љубители на велосипедизмот, а воедно ќе придонесе кон намалување на метежот во сообраќајот, заштита на воздухот и здравјето на луѓето.

Ваквите активности треба да станат навика и секојдневие на секој млад човек, затоа што промените кон здрави навики, но и здрава животна средина тргнуваат од нас самите, порачаа тие.