АЈУВЕРДА совети за балансиран спој на телото, умот и духот

Ајуверда е прастара наука/начин на живот, што потекнува од древна Индија. Според ајуверда, здрав човек е оној кој успешно ги соединува своите тело, ум и дух.

Името ајурведа потекнува од зборовите „ајус” што значи живот и „веда” што значи знаење или мудрост. Светската здравствена организација ја призна ајурведата како метод на традиционалната медицина во 1977 година, но на нашите простори таа се` уште не е доволно промовирана и позната.

Според ајурведата причините за настанувањето на болестите во организмот треба да се барааат во стресот и негативните човекови карактеристики.

-љубомората може да доведе до слабеење на имунолошкиот систем

-завидливоста до несоници и проблеми со грлото

-немањето морални принципи до одредени хронични заболувања

-агресивноста создава проблеми со желудникот

-тврдоглавоста го нарушува нивото на шеќер и предизвикува мигрени

Ајувердата учи на успешно справување со стресот и ослободување на организмот.  Со помалку стрес во секоја ситуација би биле посмирени, не би реагирале бурно и со нервоза, меѓусебно повеќе би се почитувале и сакале, едноставно животот за сите би бил поубав и поедноставен.

Еве неколку основни ајурвердски правила за поздрав живот:

– легнувајте колку што е можно порано и наутро станувајте рано

– наутро задолжително мијте ги забите и убаво чистете го јазикот, постапката повторете ја и пред да одите на спиење

– еднаш во месецот премачкајте го телото со некое ароматично и релаксирачко масло и оставете го да делува 20 минути за да се смирите и опуштите

– кога се туширате неколку пати наизменично поминете по телото со млаз од топла и поладна вода, на ваков начин се подобрува циркулацијата на крвта во организмот

– не се прејадувајте

– јадете оброци од свежа храна

– еднаш неделно чистете го организмот од отрови, така што цел ден ќе јадете само овошје и ќе пиете многу вода;

-движете се колку е можно повеќе;

– секојдневно одвојте неколку минути кои ќе си ги посветите на самите себе, минути во кои ќе се опуштите и релаксирате;

– потрудете се секој изминат ден да го завршите со смирен ум

– бидете опколени со пријатно друштво