Акција низ кафетерии и ресторани во Гостивар и Струга

Полициски службеници од Бирото за јавна безбедност-Оддел за криминалистичка полиција и инспектори од СВР Скопје во координација со Државниот пазарен инспекторат и Управата за јавни приходи во петок (18 февруари) спровеле акциска контрола во 25 угостителски објекти во Гостивар и во Струга, при што се констатирани низа неправилности во 14 објекти, кои се законски санкционирани, извести МВР.

Од страна на Управата за јавни приходи се изречени санкции кон седум објекти во Струга и седум објекти во Гостивар, во кои се констатирани различни неправилности: неиздавање на фискални сметки, немање резервен фискален апарат итн.

Од страна на Државниот пазарен инспекторат пак изречени се санкции за седум објекти во Гостивар поради разни видови неправилности кои биле констатирани при контролите.

Надлежните нагласуваат дека акциските контроли продолжуваат и во наредниот период.