Акција во Гостивар и Тетово-До 250 евра казна и одземање дозвола на возачи кои не пропуштале пешаци

Полициски службеници на СВР Тетово вчера (20 октомври)  од 6 до 11 часот спровеле акциска контрола за санкционирање на возачите кои не даваат првенство на минување на пешаците.

При контролата откриени и законски санкционирани се вкупно 14 прекршоци (Тетово-10 и Гостивар-4). Најголемиот број од прекршоците се однесувале на непропуштање на пешаци на обележани пешачки премини, а санкционирани се и 13 други видови сообраќајни прекршоци (ТЕ-6 и ГВ-7).

„На сите прекршители изготвени им се поднесоци и ќе се соочат со парични глоби кои за овој вид прекршок се движат од 200 до 250 евра во денарска противвредност, а за непропуштање на обележан премин предвидена е и мерка времено одземање на возачката дозвола од три месеци до една година.“, информира полицијата.

Секторот за внатрешни работи Тетово со уште едно потсетување на возачите секогаш да им даваат првенство на пешаците, посебно на обележани премини, крстосници и кога се движат на патишта и улици на кои нема обликувани тротоари. На пешаците,пак, им се советува да внимаваат каде ги преминуваат улиците и да не се движат и задржуваат на коловози.