Акција во Гостивар и Тетово, казнети јавни превозници

Денес (12 мај) во периодот од 6 до 10 часот на подрачјето на СВР Тетово била спроведена акциска контрола на возила со кои се врши јавен превоз на патници. Притоа, биле констатирани и санкционирани 8 неисправни возила, од кои 2 на тетовско и 6 на гостиварско подрачје.

„Од нив 4 (ТЕ-2 и ГВ-2) биле со неисправни уреди за кочење и 4 во Гостивар со неизвршен вонреден технички преглед. Возилата веднаш биле исклучени од сообраќај, а на прекршителите им се изготвени соодветни платни налози. За време на контролата биле откриени и 7 возила (ТЕ-2 и ГВ-5) кои вршеле јавен превоз на патници без соодветна документација и биле соодветно санкционирани согласно член 284А од Кривичниот законик на РСМ.“, информира полицијата.

Секторот за внатрешни работи Тетово повторно со апел до правните и физичките лица, да ги почитуваат законските правила и прописи во сообраќајот, навремено да ја проверуваат техничката состојба со кои се врши јавен превоз на патници, да ја уредуваат соодветно документацијата и да придонесат за нивната безбедност и одговорноста за патниците кои ги превезуаваат како и безбедноста на другите учесници во сообраќајот.