Акција во Гостивар и Тетово-Казнети возачи кои не пропуштале пешаци

Полициски службеници на СВР Тетово вчера (23 ноември) од 10 до 15 часот спроведоа акциска контрола на возачите-дали и колку ги почитуваат нивните пропишани обврски кон пешаците. При контролата биле откриени и санкционирани вкупно 34 прекршоци (Тетово-29 и Гостивар-5). На возачите-прекршители изготвени им се соодветни поднесоци и ќе се соочат со законски предвидените глоби кои изнесуваат 250 евра во денарска потиввредност.

Најголемиот број од прекршоците, инаку се однесувале на непропуштање на пешаци на обележани премини, информира полицијата. При контролата биле санкционирани и 10 други видови сообраќајни прекршоци. Контролни активности со ваква цел и содржина планирани се и во наредниот период.