Акција во Гостивар и Тетово-По 400 евра казни за превоз на патници во неисправни возила

Денеска (16 јуни) од 8 до 13 часот, на подрачјето на СВР Тетово спроведена е акциска контрола на возила кои вршат јавен превоз на патници, претежно автобуси, комбиња и такси патнички возила. При контролата биле откриени и санкционирани 8 прекршоци (Тетово-6 и Гостивар-2), односно 8 технички неисправни возила, информира полицијата.

Шест од нив имале неисправни сопирачки, едно возило било со истечена регистрација и едни со неизвршен вонреден технички преглед.

На сите прекршители изготвени им се поднесоци, а неисправните веднаш биле исклучени од сообраќај. Тие ќе се соочат со предвидената парична глоба од 400 евра.

Секторот за внатрешни работи Тетово уште еднаш ги потсетува возачите навреме да ја проверат техничката исправност на возилата што ги управуваат и да ги отстранат евентуалните недостатоци, не само како учесници во јавниот превоз, туку и сите други. Ова, посебно се однесува на возачите кои со возила ќе патуваат кон летните туристички дестинации во нашата земја и надвор.