Акција во Гостивар и Тетово-Возеле пијани, ќе платат „дебели“ казни и остануваат без дозвола

Ноќеска 4/5 декември 2021 година, полициски службеници на СВР Тетово спроведоа акциска контрола на возачи, дали и колку од нив ги управуваат возилата под дејство на алкохол.

Во контролата биле откриени и сакнционирани вкупно 29 алкохолизирани возачи (Тетово-23 и Гостивар-6). Двајца од санкционираните возачи имале алкохол во крвта до 2 промили.

„Сите возачи-прекршители веднаш се исклучени од сообраќај, изготвени им се законски предвидените поднесоци и ќе се соочат со парични глоби, кои за овој вид прекршок се движат од 225 до 325 евра во денарска противвредност, а двајца возачи кои одбиле алкотестирање со глоба од 500 евра. Покрај тоа, на сите им претстои и мерка времено одземање на возачките дозволи од 3 до 12 месеци.“, соопшти полицијата.

СВР Тетово апелира до возачите да не седнуваат зад волан под дејство на алкохол и да ја доведуваат во ризик сопствената и безбедноста на другите учесници во сообраќајот, а и во наредниот период планира вакви контролни активности,  кои треба да придонесат за поголема сообраќајна безбедност на патиштата на тетовско-гостиварското подрачје.